"امروہا میں حضرت شرف الدّین شاہ ولایت کا مزارِ مبارک مرجع خاص و عام ہے۔ اُس کے احاطے اور اطراف و نواح میں زہریلے بچھو بکثرت پائے جاتے ہیں۔ لیکن کبھی کسی کو ڈنک نہیں مارتے۔ اگر کوئی اُن کو چُھو لے یا چھیڑے یا اٹھاکر ہتھیلی پر رکھ لے تو اپنا ڈنک سکیڑ لیتے ہیں۔ یہ حضرت شاہ ولایت کا اعجاز و فیضان ہے۔
کچھ دن ہوئے، ایک تجویز ذہن میں آئی۔ وہ یہ کہ ہمارے چند سیاست دانوں، شاعروں، لیکھکوں، نقادوں، اخباروں اور رسالوں کے مُدیروں کو بچھوؤں کے ساتھ چند روز گزارنے کے لیے سرکاری خرچ پر امروہے بھیج دیا جائے تاکہ اُن کے فیضانِ صحبت سے یہ حضرات اپنے معاصرین کو کاٹنا اور ڈنک مارنا چھوڑ دیں۔"
( شام شعریاراں سے)
کوئی تبصرے نہیں:
ایک تبصرہ شائع کریں