عید

ہوئی عید، سب نے پہنے طرب و خوشی کے جامے
نہ ہوا کہ ہم بھی بدلیں یہ لباسِ سوگواراں
مکمل غزل
نہ گیا خیالِ زلفِ سیہِ جفا شعاراں
نہ ہوا کہ صبح ہووے شبِ تیرہ روزگاراں
نہ کہا تھا اے رفو گر ترے ٹانکے ہوں گے ڈھیلے
نہ سیا گیا نہ آخر، دلِ چاکِ بے قراراں
ہوئی عید، سب نے پہنے طرب و خوشی کے جامے
نہ ہوا کہ ہم بھی بدلیں یہ لباسِ سوگواراں
خطرِ عظیم میں ہیں مری آہ و اشک سے سب
کہ جہان رہ چکا پھر جو یہی ہے باد و باراں
کہیں‌خاکِ کُو کو اُس کی تُو صبا نہ دیجو جنبش
کہ بھرے ہیں اس زمیں میں جگرِ جگر فگاراں
رکھے تاجِ زر کو سر پر چمنِ زمانہ میں گُل
نہ شگفتہ ہو تو اتنا کہ خزاں ہے یہ بہاراں
نہیں تجھ کو چشمِ عبرت یہ نمود میں ہے ورنہ
کہ گئے ہیں خاک میں مل گئی تجھ سے تاجداراں
تُو جہاں سے دل اُٹھا ، یاں نہیں رسمِ درمندی
کسی نے بھی یوں نہ پوچھا ہوئے خاک یاں ہزاراں
یہ سنا تھا میر ہم نے کہ فسانہ خواب لائے
تری سرگزشت سن کر گئے اور خواب گراں،